رايح انا ..داير ضهري للدني ..بقلم غادة الكاخي

صدى وادي التيم-رأي حر بأقلامكم/

رايح أنا
داير للدني ضهري
مشيت
بلا ولا شي
ما بقى تسألوني
بالنسبة لبكرا شو؟
بكرا بعيد
والموت قريب
عيشوا متل ما بتحبوا
حبٍوا متل ما بتعيشوا
ما تتركوا
الوجع يكسركن
حكوا ما تسكتوا
بنكتة،بموقف،بلحظة جريئة
،بثورة، بتمرّد
رغم الوجع اضحكوا
“عيشوا ب”نزل السرور
راقبوا خليل
وانتبهوا للصهريج
ما تنسوا
زكريا
ونجيب
ثريا بحمايتكن ما تخلوها تبكي
البكي ما بفيد
الليل طويل
وزياد مشي
.ومشيت معو الألحان
لترقد روحك الثائرة بسلام… غادةالكاخي
#زيادالرحباني