بعدو جيش بلادي موجوع … بقلم ريمان خالد حماد
صدى وادي التيم – رأحر بأقلامكم
بَعدا هالبدلي عم تنزف دم
بعدو جيش بلادي موجوع
ولبنان كل يوم بعيش ب هَمّ
والعسكري مرافقتو الدموع
بتروح خيرة الشباب هَيك
وكل مين عم يبكي حبابو
وبْقلّك يا وطني اليوم لَيك
ولادك والأرزي بالسما غابو
يا حرقة قلب هالطفل الزغير
بيحاكي بيّو من فوق
شو هالدني وهالعمر قصير
بيخطف الغوالي بالشّوق
يرحم روحك يا بطل يا شهيد
دمّك هدر ما رح بيروح
وعن درب التضحية ما مِنحيد
بكبر فيك و بعتزّ
يا جيشي فداك القلب والروح
- ريمان خالد حمّاد
