ما شبعوا يبكّوا عيونِك يا بيروت …. بقلم ريمان حمّاد

صدى وادي التيم – أخبار وادي التيم

ما شبعوا يبكّوا عيونِك
بيروت بعدِك صبية
والأسود صار لونِك
مات الحلم بعينيّي😥
دَفنوكي يا ست الدني
لبنان لكان فيكي غَني
ذبلت احلام شبابو
والعمر عالحرقة فِني😔
شو بقي من جمالِك بعد
غصة تركتي يا وج السّعد
بقلب كل حدا زعل عليكي
نامي بسرير الحزن بأحلى مهد🥺
نامي بس وَعِّي القلوب
وقولي خلص بكفّي
انا شمعة كرمالي عم ذوب
و الجرح فيي ما بقدر طفّي😪
حرقتو العروس لكانت حلوي
المدينة لكان فيها بحبوحة
و بكل ميلي النسمات بتلوي
قتلتو بيروت المجروحة😢