حرقتنا يا قيصر…بقلم جودات زغيب
صدى وادي التيم – أرأي حر بأقلامكم
بكر ع وج الصبح ع الفلي
تخمين حس الخال مشتقلو
وحد الكنيسه ما نسي يصلي
وبالبيت قلبو ورايح بعقلو
ضل قلبو هون ت يسلي
طفلين بس يرجع تزقزقلوا
وبدل ما يرجع رجعت الغيمي
تودي خبر وتقول ما بيرجع
تحمل حبيبة هالقلب قيمي
كتف الجبل من ثقلها بيركع
يقلها ديري بالك على طفلين
يا روح روحي ويا عرق دمي
وابقي حكيلن كيف كنا ووين
نركض ونلعب ونشتهي اللمي
وخلي يا روحي عين ع ملاكين
وعين ديري بالك ل أمي
بعرف الابطال بيفلوا
وسيوفهم للمعركه يسلوا
بعرف استشهد قاوم العدوان
وللأرز ناذر هالعمر كلو
دم الشهاده بيخفف الاحزان
والحزن بيحل الفخر ب محلو
لاكن بغلطه منهدم الاوطان
ودمنا يا تجار بتحلوا
بالسمسره ب الناس بالاديان
بيروت مش لعبه تتسلوا
لو قام قيصر يسأل بأيمان
شو صار فينا شو الهدم البنيان
قلي يا الله شو رح بقلو
بقلم : ابو جاد جودات زغيب
