٤ آب يا وجع ما بيموت…بقلم ريمان حمّاد

صدى وادي التيم – رأي حر بأقلامكم /

٤ آب يا وجع ما بيموت
يا نار شعلاني من سني
حرقو قلبك دفنوكي يا بيروت
و عمرِك من الحياة سعادة ما جِني

حطو الحزن بقلب ام بعد ما فرحت بابنها
وجعّو قلب عريس كان حلمو يبنو سوا
هوي و عمرو الهني بيت وولاد متلها
سحر و جيلبير هالقلبين لبعض كانو الدوا

شو زنب قلب طفلة يموت بعمر الوردي
الكسندرا لكانت تملي البيت ضحكات و غناني
و شو صار بقلب الام دموعا ما قدرت تهدّي
ع فراق بنتا صارت روحها حزناني

شو صار فيكي يا ام الشهيد
يا وجع بقلبك مالو نهاية
يا إم “حِتّيملاحيبو صعبنونخزاميكرمحواكعكي خوري..
” ابنك نال عُمر جديد
برحمة ربّو نكتب إلو بداية

و يا دم نْهَدر بْنار رَكضو تَ يطفّوها
أبطال النخوة والقوة ابطال شُرفاء
يا حياة جديدة نكتبت لزغار يعيشوها
بحنان باميلا الممرضة بقوة واسراء
لروح كل مين استشهد بهالنار زفّوها
و الف تحية لابطال فوج الإطفااء

#٤آب ٢٠٢٠
#انفجار مرفأ بيروت