مسخرة تسليم السلاح الفلسطيني… بقلم ميشال جبور

صدى وادي التيم – رأي حر بأقلامكم /

يا عيب الشوم!
اللي صار تحت عنوان “بدء تسليم السلاح الفلسطيني” هو مسرحية تافهة ومكشوفة.
بيك أب خردة، مغطّى بشرشف، قال تسليم سلاح!
صرنا نضحك على حالنا وعلى الناس!

والأخطر؟
السلاح المسلَّم هو سلاح مرافقة شادي الفار، زلمة السفير السابق أشرف دبور.
يعني مش سلاح فصائل، ولا مخازن سرّية، ولا ترسانة تهدد الأمن…
هيدا سلاح شخصي تابع لحماية شخصية، وعم بيعملوا منه إنجاز تاريخي!

الدولة رضيت تنضحك عليها،
والإعلام اللبناني بلّش يزمّر ويطبّل، كأنو حققنا نصر استراتيجي!

وين السلاح الحقيقي؟
وين الرشاشات؟
وين القذائف؟
إذا هيك بلش التطبيق، فهني عم يضحكوا علينا… مش عم يسلّموا سلاح!

المسخرة صارت رسمية… والتمثيلية صارت وطنية.
وإذا هيك بدهم يكمّلوا، فلبنان رايح على خداع جديد… مش على حلّ حقيقي.
والمضحك المبكي انه توماس باراك صدق وبارك للحكومة اللبنانية هل الإنجاز العظيم
بيظهر انه الامركاني متلنا مش فهمان اكتر من هيك بالنهاية هيك قهوة بدها هيك زبونات

ميشال جبور