كيف فيكن تقضوا نهار حلو بحاصبيا
اليوم رح نروح كزدورة على الجنوب وتحديداً منطقة حاصبيا، هالمنطقة جارة أعالي جبل الشيخ والطبيعة الجبلية الساحرة، منطقة منسية وغنية بالتراث والجمال قررنا نكتشفها اليوم. مشوا نخبركن كيف فيكن تقضوا نهار مميز بالجوهرة المنسية حاصبيا.
1. زوروا السرايا الشهابية المعروفة بقلعة حاصبيا الشهابية
هالسرايا عبارة عن كنز تاريخي وتراثي بحاصبيا، بيرجع لعصر الصليبيين وبعدها حازت عليه عيلة شهابي ب 1170 وبعدها بتملكو لليوم، بتتميز بأسلوب العمارة اللي بيجمع الروماني والشهابين، القناطر العالية والنقشات القديمة وكومة جمال!
2. تعرفوا على معابد هبارية الرومانية
هالمعابد الرومانية مش الكل بيعرفها، كنز تاريخي مخبى أسفل جبل الشيخ وبعده محافظ عليها لليوم بقلب الطبيعة.
3. زوروا أراضي الزيتون بالضيعة
الزيتون بحاصبيا من أفضل الزيتون بلبنان وبينباع بالمعارض برا، وموسم القطاف بالضيعة يعتبر كتير مهم فبتلاقوا معاصر الزيتون وين ما كان بالضيعة.
4. تغدوا عند مطعم فوار الحاصباني
هالمطعم صرلو سنين بيستقبل الناس على قعدة مميزة جنب نهر الحاصباني، عندن جنينة كبيرة وتراس غير شكل لضهرة مع العيلة.
الرقم: 586 297 03
5. جربوا أطيب الأطباق اللبنانية عند مطعم نبع البحصاصة
قعدة على صوت الميّ الجارية وجنب طواحين الميّ، عندن قعدات تراس غير شكل، جسر زغير فوق الميّ، ومناظر للطبيعة بتاخد العقل!
الرقم: 07553000
6. قضوا أحلى الأوقات مع العيلة عند منتجع القلعة
في عندن مسابح مناسبة للعيلة بالصيفية، مطعم وجنينات واسعة، شاليهات لتقضوا ليلة غير شكل، ومناظر طبيعية مميزة!
الرقم: 630 327 03
7. إرخوها جنب المسبح عند شاليه صيف حاصبيا
أجمل شاليه تجربوه هالصيفية بحاصبيا لتقضوا وقت حلو وخاص مع العيلة!
الرقم: 612 030 81
8. إنبسطوا بأحلى النشاطات عند Oakland Nature Park
بتلاقوا قوارب بقلب نهر الحاصباني، ملاعب للولاد، نشاطات ورياضات حماسية، حديقة حيوانات، مطعم بيقدم أكل طيب، قعدة مميزة بالطبيعة، وتراس غير شكل!
الرقم: 999 166 76
