ب ٢٢ تشرين وعي لبنان ع صرخات ولادو .. بقلم ريمان حماد

صدى وادي التيم – رأي حر بأقلامكم /

بكلمة او بحروف هالوطن عم ينزف
وكرمالو هالعسكري عايش بالقلّي
شو بكيت عليك يا لبنان وقلبي صار يذرف
دموع علِّي صار بأرضك ومن أرضك صعبي الفلّي

لا تقولو في استقلال ببلادي صعب العيش
ما الجندي بيموت ع غفلي بيغفى برصاصة طيش
هون العيشي صعبي كتير صرنا من الجوع نموت
ونصرخ صرخات الوطن و ما في حامي غير الله والجيش

ب ٢٢ تشرين وعي لبنان ع صرخات ولادو
والحكّام بقلب الجيش صارو يْجَرحو ويتمادو
يا وجع قلبي عليك يا وطن كيف هيك عم يعملو فيك
موّتو ع بكير روحك وصارو الأمان عنّا يتفادو

طفل نْ كان شاب او ختياار محروم من عيونو النوم
مش عارف كيف يطعمي ولادو ولا عارف ع مين يحط اللوم
يا ريت بحسّو بأوجاعنا ويتركونا نعيش بسلاام
و حتى بكرامة هالعسكري يعيش
تشفى جروح الوطن من اليوم

بقلم: ريمان حماد