يا حامي الوطن وحامينا …بقلم ريمان خالد حماد

صدى وادي التيم – رأي حر بأقلامكم

يا حامي الوطن وحامينا
بْ عيدَك شو بدّي قلّك
بْ أصعب الأوقات بتلاقينا
مرفوع الراس بتضلّك💚
هموم الوطن عَ كتافك حاملها
وْ شَرف بلدَك عَ طول بِتصون
وْ أَرضك بْ ترابا غامِرها
ما حدا قدّك رَح بِكون💚
يا لبنان افتخر واعتز
بْ عيد جيشك الجبار
بتبقى الأرزة وما بتهتز
تبقى عمراني هالدار💚
وْ بعيدك مْنِكتْب كلمات
تحكي فيها شموخ الأرزي
جيشك يعزفلك نغمات
للمسيحي والمسلم والدرزي💚
وْ لا كل ام شهيد رح قول
افتخري بإبنك الشهيد
دمّو بتراب الوطن مجبول
عن درب الحق ما منحيد💚
افتخري بكل نقطة دم نزلت
عَ هيدي البَدلي المِنصاني
اسقِ فيها خدودك لْذِبلت
ما تضلي بالدّموع غرقاني💚
كلمة ينعاد عليك
قليلي عَ جهودك لِ بذلتا
ما بيغلى غالي عليك
يحمي الأرزة لِ زْرَعتا💚
شَرَفْ تَضْحية وَفاء
هَيدا هوّي شِعارَك
رَاسك مَرفوع بالسَّما
مْباركة عليك أَعيادَك💚