جامعييون لبنانيون يتكفلون بصناعة أجهزة تنفس إصطناعي لمساعدة مرضى كورونا
كتب حسين الحاج حسن على صفحته الخاصة على التواصل الاجتماعي :
كخريجين من كلية الهندسة بالجامعة اللبنانية سمعنا انو كمية أجهزة التنفس الإصطناعي الموجودة بلبنان غير كافية لكمية المصابين المتوقعين بالأسابيع الجاية.
عدة مهندسين بالتنسيق مع دكتور أخصائي بالجهاز التنفسي عملنا تصميم أولي لجهاز تنفس إصطناعي ممكن يتصنع محليا من مواد موجودة بالسوق اللبناني وبأمن الوظائف الأساسية المطلوبة بأجهزة التنفس..
لنقدر نعمل هالشي بدنا فريق يقدر:
– يبرمج microcontrollers و troubleshooting لل electronic board
-يعمل 3D printing لل mechanical components
-يعمل assembly and testing للجهاز
أي مهندس من اي جامعة بحب يساعد لننفذ هالجهاز يتواصل معي لنحكي بالتفاصيل وأكيد ال project is non profit والهدف انو نجرب نلاقي حل لمشكلة الأجهزة.
طبعا الشكر الكبير لهشام وحسين اللي بلشو بالفكرة واللي حابب يشارك يتواصل معي عالخاص. او عرقمي 78861104.
