قبطان بحرى يحذر : ترددات غريبة في البحر المتوسط…..
صدى وادي لتيم – متفرقات /
خبر انتشر كالنار في الهشيم
عن قبطان بحرى يسجل فيديو وبيقول أن فيه ترددات غريبة في البحر المتوسط…..
وبيحذر المدن الساحلية زى اسكندرية من كوارث مرتقبة
حركة غريبة في البحر المتوسط ورصد تذبذبات غير معهودة للامواج وكدليل على حدوث زلزال مدمر وتسونامي في البحر المتوسط… فايه صحة الكلام ده؟
في نفس الوقت في احترار غير مسبوق في مياه البحر المتوسط وبالتالي ده بيغير من اتجاه حركة الامواج الطبيعي وسرعتها وارتفاعها وفي مناطق بتشهد ارتفاع عالي في الامواج في حين مناطق تانية بتكون وكأنها ساكنة عشان النظام البحري بيحاول يعمل توازن بظاهرة فيزيائية اسمها الدوران الحراري بان بيحصل تبادل بين طبقات المياه السطحية والعميقة بسبب اختلاف الضغط ودرجة الحرارة والكثافة كمحاولة لعمل التوازن الحراري من تاني وتبريد مياه البحر السطحية وده بيأثر على التذبذبات المرصودة من البحر
في الحقيقة التذبذبات ديه لا معناها ان في زلزال مدمر قادم او تسونامي حتى وانما بسبب الاسباب اللي تم ذكرها بخلاف حركة الحمم البركانية حول بركان كولومبو قرب جزيرة كريت اللي في دراسات بترجح رجوعه للنشاط من تاني وده برضو(م نقول ومتداول ) بيأثر على قاع البحر المتوسط فناخد بالنا من ارتفاع الامواج الفترة الجاية خصوصا الصبح وبعد العصر
