اختراع مهضوم في لبنان : بوظة الشوكولا على حر!
صدى وادي التيم-لبنانيات/
صار في بوظة الشوكولا على حر!
عبالكن تاكلوا شي مميز؟ اليوم جايبينلكن بوظة كتير شكلها غريب بس كتير طيبة: بوظة الشوكولا على حر!
عبارة عن بوظة بتجمع بين طعمتين ما بيشبهوا بعض بقلب بوظة وحدة: الفليلفة حرة والشوكولا الحلو. بس عنجد الطعمة طلعت روعة، بتحسوا بالحلو وبترجعوا بتحسوا بالحرحرة وبتنتعشوا كتير.
غير هيك عندن اختراعات منعشة ما في منا غير محل، متل البوظة على زعفران، بوظة على غاردينيا وبوظة على زهرة اللافندر.
أما طعمة الغاردينيا رح تنغرموا بشكلها وريحتها وطعمتها من أول كدشة، كل أنواع البوظة بتحلي القلب وخفيفة بنفس الوقت، ومعمولة من مواد طبيعية مية بالمية.
بتعرفوا شو أفخم اختراع؟ بيعملوا بوظة على فحم، مع قشرة دهب من فوق وصار فيكن تدوقوها مع حدا بحب الفخامة كتير.
هالمحل عندو قعدة كتير مهضومة خرج تجوا مع أصحابكن عليها وتقضوا وقت حلو بسلي وفيكن حتى تجو مع حبيبكن أو حبيبتكن وتجربوا مختلف الطعمات سوا.
