خبرية حلوة: متحف سرسق رح يفتح من جديد والزيارة مجانية

صدى وادي التيم-لبنانيات/

خبرية حلوة كتير! متحف سرسق رح يرجع يفتح بوابو للزوار بشهر آذار 2023 من بعد ما تسكر سنتين على أثر انفجار بيروت.

تأثر المتحف بشدة بفاجعة انفجار بيروت عام 2020 وسكر من وقتها بوابو للزوار وكان عم يفتح استثنائياً بعض الصالات بس بالمناسبات.

تم بناء هل القصر الأبيض الساحر عام 1912، وكان مقر إقامة السيد نقولا إبراهيم سرسق لي كان عندو شغف يجمع ويعرض التحف الفنية ببيتو. وكانت وصية سرسق الأخيرة بعد ما يموت يصير هل قصر مفتوح لجميع الزوار “إلى أبد الأبدين” وبدون أي كلفة.

شارك عدد كبير من الفنانين وخبرا الترميم والمهندسين المعماريين بترميم هل قصر الساحر لي بيتألف من عدة طوابق ولوحات وقطع فنية نادرة وتحف أثرية بيحكوا ألف حكاية وحكاية.

بضم متحف سرسق مجموعة من اللوحات الفنية لأشهر الفنانين اللبنانية والعالمية، ومجموعة من الأثار الفينيقية واليونانية ومعروضات العصور الإسلامية من مخطوطات وأسلحة ومصنوعات يدوية وغيرها.

زيارة متحف سرسق من أهضم القصص لي فينا نعملها ببيروت ومن دون ما نتكلف شي! كتير متحمسين لهل خبرية لأن هل محل إلو محل كتير كبير بقلبنا!