نداء الارض تعدد مغالطات رئيس مصلحة مياه لبنان الجنوبي في مقابلته التلفزيونية
صدى وادي التيم – رأي حر بأقلامكم:
نشرت دارين فرحات صفاوي على صفحتها:
اليوم الصبح محطة ال م ن ار استقبلت الدكتور وسيم ضاهر رئيس مصلحة مياه لبنان الجنوبي و كان عم يدافع عن مشروع سحب المياه “الفائضة ” من نبع الطاسة.
اتهمنا حضرته انه نحن اغبياء عشان اعتصمنا عند الجهات المانحة (اليونيسف) .
ليش ما قلت حضرتك انه النهر انسحب منه اكتر مما تسمح به القوانين الدولية!!!؟
ليش ما قلت حضرتك انه بلشتوا بالمشروع قبل م يتقدّم دراسات جدوى بيئية؟!
ليش ما قلت حضرتك انه عم يندفع معاشات لعمال مش عم يداوموا بس مسجلين اسماؤهم (يعني هدر مصاري بالهبل)!؟؟
ليش ما قلتلها انكم دخّلتوا جرافات على حرم النبع و هيدا شي مؤذي جدا للنبع كونه منطقة بيئية حساسة!؟
و ليش ما قلت اسم جمعيتنا “نداء الارض” !؟
بتعرف ليه!؟؟
عشان لمجرد متذكر اسم جمعيتنا رح تخسر كل مصداقيتك عشان نداء الارض عندها مصداقية اكتر و اكبر منك ب ٢٧سنة من العمل و النضال لحماية البيئة.
و ملاحظة للمذيعة:لما يتصل واحد عم يشتكي عليه لرئيس المصلحة، ما تقطعوا الخط معه، مش انتم مع نصرة المظلومين!!!؟
