“الحيط الواطي الكل بنط من فوقو” بقلم ميشال جبور

صدى وادي التيم – رأي حر بأقلامكم /

**”الحيط الواطي الكل بنط من فوقو” — وهيدا صار للأسف تعريف لبنان اليوم. أي دولة محترمة بتقبل دولة تانية تفوت تفتّش مطارها، تراقب تجهيزاته، وتقرّر إذا مسموح يطير طيرانها أو لأ؟ بأي منطق؟ وين السيادة؟ وين الكرامة؟
لبنان كان رمز السيادة والحرية، واليوم صرنا مستباحين. بيجي وفد أجنبي يتفقّدنا كأننا مقاطعة تابعة، مش دولة مستقلة.
إذا نحنا ما صدّقنا حالنا، ما حدا بالعالم رح يصدقنا.
إذا نحنا ما احترمنا مؤسساتنا، ما حدا رح يحترمنا.
السيادة ما بتكون شعارات، السيادة أفعال.
وهيدا المشهد المهين لازم يوقف. مش كل ما حدا شكّ فينا نفوت بتقارير وتبريرات.
كرامة البلد مش لعبة، ولازم نرجّع نرفع الحيط، ونمنع كل مين كان من التخطّي.”

ميشال جبور