ع غفلي بيخطف الموت هالروح وما بيسأل حدا … بقلم ريمان حماد

صدى وادي التيم – رأي حر بأقلامكم/

ع غفلي بيخطف الموت هالروح وما بيسأل حدا
ببكّي قلب ام ع عيون ما شافت الضحكي
هيك الحياة ايامها غدر ع وسع المدى
ما بترحم ام و بيي وبتخلّي القلب يبكي
ما شبعت يا موت تبكّي وتحرق بقلوب
ما كفّاك ظلم وقهر علينا روق وهدّي
هالطفل بعمر الوردي نام متل الشمعة بيذوب
ع ضفاف ضحكي ماتت و عالوجع يا دني شدّي
يا صرخة ام فقدت روح من قلبها
يا دمعة بي سكتت كلماتو
يا وجع ام بحرقة ابنهاااا
يا ضنى القلب نْهدّت دمعاتوو
شو زنب هالطفل الزغير بكير تحرق شمعاتو
يااا موت شو صعب علينا وشو قاسي مصابَك
جفو دموع العينين وهالقلب ماتت كلماااتو
بكير يا ملاك السمااا بعدك بعمر شبابَك…

بقلم ريمان حماد