طرائف اللبنانيين عن كورونا لا تنتهي… و”هيلا هيلا هو” جديدة
يُبدع اللبنانيون في إطلاق الطرائف على مواقع التواصل الإجتماعي حول فيروس “كورونا” الذي ألزمهم البقاء في الحجر المنزلي.
وبين هذه الطرائف، اخترنا لكم 10 من الأكثر تداولاً:
-وحدة عم تفتّش بتلفون زوجها شافت رقم مسجّل Coronaطلبتو حتّى تشوف مين رن عندها.
-السوبرماركت اللي بتاخد حرارة الزبون عند الدخول، يا ريت بتاخدوها من بعد ما يدفع الزبون الفاتورة.
-تحذير للرجال: إلتزموا البيوت وما تنسوا اللي بيروح عالحجر الصحّي بالمستشفى بيعطوا تيليفونو لمرتو.
-لجميع الزوجات: يعتبر الزوج في هذه الظروف بمثابة أسير حرب فيرجى معاملته معاملة إنسانيّة.
-وين في بيجامات حلوة خرج الأعياد؟
-هيدا الأسبوع يا منلتزم بقعدة البيت يا منلعب مع إيطاليا عالنهائي.
-تمّ الإنتقال من مرحلة “أقعد ببيتك” لمرحلة “إذا زلمي أطلع من بيتك”.
-يا زلمي الدني دولاب، صرنا قاعدين بالبيت والجيش قاطع الطريق.
-أوّل ما تخلص أزمة الكورونا رح آخد عطلة 10 إيام وقضّيهن بالبيت حتّى ريّح أعصابي.
-صار دور الجيش يغنّيلنا “هيلا هيلا هيلا هيلا هو الطريق مسكّر يا حلو”.
