بلبنان، بقلب الطبيعة وتحت فيّ شجر الزيتون، في أماكن حافظت على جمالها الخلاب بتحسوا فيها بروح الضيعة اللبنانية وبتشموا ريحة شجر الزيتون. رح نعرفكن على ٣ من هالأماكن الخاصة.

١. سيبت واينري Sept Winery، البترون

هل محل ساحر بطل على أجمل الوديان والجبال بالبترون. تحت شجر الزيتون ناطرتكن قعدة بتطول العمر، قعدة لذيذة بقلب الطبيعة! استمتعوا بأشهى الأطباق الغربية مع أطيب أنواع النبيد اللبناني. تخايلوا حالكن قاعدين فوق الغيوم وقدي بتكون اللقمة الطيبة غير شكل هونيك.

الرقم: 170 570 70

٢. بيت هيفا، الكورة

من أجمل المطاعم لي ممكن تزوروها بلبنان، محاط بشجر الزيتون من كل الميلات وبالعرايش الخضرا. رح تشوفوا الطاولة مليانة بألوان الأكل اللبناني وكتير بتشهي، وطعمتها متل شكلها. لكل حدا مغروم بشجر الزيتون رح يلاقي حالو طاير بهل محل لأن ريحة الزيتون معبايي المكان. أما على الغدا، المناظر روعة والطقس حلو ورح تعيشوا تذوق أطباق المازة اللذيذة والمطبخ اللبناني الأصيل بهيك جو.

الرقم: 152 513 03

٣. إيليسيوم Elysium، النبطية

حلم إيطالي قاعد بين شجر الزيتون ومخبى أطيب الأصناف والنكهات الطليانية. موجود ببيت أزرق مهضوم وعندو تراس غير شكل وقعدة كتير رواق ومرتبة، أما أكلو فعنجد بشهي. هاي القعدة كمان بين الشجر بقلب بيت ازاز بالطبيعة بتحسوا حالكن بغير عالم.

الرقم: 940 909 70