كتبت الاعلامية نادين شلهوب في الذكرى الثالثة لرحيل الشاب الياس الخوري

صدى وادي التيم-لبنانيات/

مين قلكم انو كان عبالي صير مشهور على صفحات التواصل الاجتماعي لأني ضحية.
انا كان بدي صير مشهور بسبب انجاز علمي حققتو او بيان صحفي كتبتو او فساد كشفتو او يمكن بسبب اي انجاز كنت رح ابدع فيه.
عملتوني ضحية غصب عني-بالقوة-
وصار الكل يعرف صورتي انا وعم بضحك
بس بوعدكم شهرتي ما رح تروح ضيعان
رح انجز من السما اكثر من يلي كنت رح انجزو ببلد اصلا مجرد الحلم فيه ممنوع
رح خبّر الله كل شي
ورح ابعتلكم هالانجازات لكل شريف بعدو مآمن بهالوطن
والانجاز الاول تحقيق عدالة السما بمحاسبة كل حدا الو علاقة بطريقة مباشرة او غير مباشرة
بانهاء حياة ٢٠٠ ضحية
وتبقوا شوفوا صوَر مين رح تضحك بالآخر

نادين شلهوب