حسن مرمر أحد كبار صيارفة السوق السوداء يفضح حاكم مصرف لبنان

صدى وادي التيم – لبنانيات/

حسن مرمر أحد كبار صيارفة السوق السوداء يفضح حاكم مصرف لبنان والدولة وموظف إسمه ع.ع، إليكم ما كتبه مرمر عبر التلغرام:

رياض سلامة هو منشئ السوق السوداء
رياض سلامة هو ادمن كل مجموعات الدولار
رياض سلامة هو مدير عمليات سحب الدولار
رياض سلامة هو مطبعة اللبناني ومصدرها
رياض سلامة هو الارتفاع والانخفاض
رياض سلامة هو الملك بأحجار الشطرنج
رياض سلامة هو سبب هذه الأزمة
رياض سلامة هو من هرّب اموال المودعين
رياض سلامة هو عميل السفارة الاميركية
رياض سلامة هو ملف الفساد في لبنان

وقفو رياض لحالنا منسلّم حالنا وبلا هل مهزلة والمسرحيات كلها

بكفّي استخفاف بعقول الشعب

اذا صيدلية وحيدة فاتحة بلبنان مجبور تشتري الدوا من عندها بالسعر يلي بدها ياه ، وهيك رياض سلامة اذا لبنان كلو بيطلب دولار عل ٧٠ الف وهوّي مسعّر ٣٠ الف مضطر الكل يعطي عل ٣٠ او ساعتها ما بيقدر يلم دولار وهيك الخريطة

– دولار المغتربين والسوّاح والاحزاب والمنازل
– صرافين الكنتوار والشارع والمحلات والشركات
– صراف مستوى ثالث بياخد يلي فوق
– صراف مستوى ثاني بياخد من الثالث وبيجمع اكبر عدد ممكن وبيعطيهن للمستوى الاوّل
– صراف مستوى اوّل علاقة مباشرة مع الشركات او المصارف يلي عم تلم لمصرف لبنان
– المصارف والشركات التابعة لمصرف لبنان هي على تواصل مباشر مع مسؤول التسعير والعمليات في مصرف لبنان (ع.ع) ومن عنده يتم تخريج اللبناني للكمية المطلوبة
– ع.ع الذي يأخد التعليمات من الحاكم ونوابه

مصدر اللبناني ومركز الدولار المسحوب واحد “مصرف لبنان” لصاحبه “رياض توفيق سلامة” وهوّي الطلبيات وهوّي الشفاطة وهوّي التسعيرة وهوّي المطبعة وهوّي الازمة وهوّي الحرامي وهوّي الفاسد وهوّي العميل وهوّي يلي لازم يكون هلق قيد التحقيق او بالحبس مش يلّي وقفت مصالحهن وتسكّرت محلّاتهن او يلي صارت معاشاتهن ٢٠$ وهوّي يلي وظّفهن عندو وجرهم على الصرافة

قبل ما تلحقو هل صرافين وتعملوهن كبش محرقة وقفو الـapplication يلي قلها دور كتير كبير بانهيار العملة وانتي العسكري يلي عم تلاحق الصرافين مش الصراف يلي خلًا معاشك ٨٠$ وتعويضك ٢٠٠٠$ روحو الحقو رياض والحاشية تبعو يلي عملت فينا وفيكن هيك .. يتبع ..

من صفحة حسن مرمر على التلغرام