شو معنى أسامي هل: ١١ ضيعة بالجنوب؟
صدى وادي التيم – لبنانيات :
سبق وخبرناكن عن معنى أسامي هل-١٠ ضيع بجبيل! اليوم مننتقل على الجنوب.
الجنوب غني بالجواهر المخفية وبالطبيعة الخلابة وكل ضيعة موجودة في بتجمع الجبال الخضرا وينابيع المي الجارية وغابات الصنوبر العظيمة وأشجار الزيتون المعمرة من جزين وبكاسين لبنت جبيل، هالقرى الساحرة بضم عدد كبير من الآثار العتيقة والبيوت التراثية والطبيعة الخلابة.
يلا نتعرف على معنى أسامي بعض أجمل قرى الجنوب بلبنان.
١. إبل السقي
ضيعة مغمورة بطبيعة استثنائية بتعكس حلاوة الجنوب وبتغني الأرض فبها أشجار الزيتون لي عمرها فوق آلاف السنين. أصل كلمة إبل سقى سرياني، “إبان” بيعني البكي للدلالة على الأرض الرطبة والمبللة و”سقي” بيعني السقي بالمي.
٢. بكاسين
بكاسين قرية ساحرة صاحبة طبيعة سامية وخلابة بتتميز بالأعشاب العطرية، المهرجانات السنوية وغابة الصنوبر العظيمة والبيوت التراثية وهي وحدة من أفضل القرى السياحية بالعالم بحسب منظمة السياحة العالمية (UNWTO). بكاسين ضيغة قديمة بعود تاريخها للعصر الفينيقي ومنطقة سياحية بإمتياز، بتحمل إسم فينيقي، أول قسم “بكا” بيعني مدينة، و”سين” بيعني الشمس وهيك بكون إسمها مدينة الشمس.
جباع عروس الماضي مكللة بالمروج الخضرا، بتتميز بهواها الطيب وعذوبة مياهها الغنية ومناخها الحلو، بتتمتع ب360 نبع وتعتبر أجمل قصة مكتوبة على حبر من مي ومرسومة على الجبال الخضرا. بعود إسم جباع للغات السامية” جبع” وبيعني التلة أو الجبال وهو إسم كان يطلق على القرية بالماضي.
٤. جزين
جزين من أجمل المناطق بلبنان، ضيعة ما بتشبه باقي الضيع وتعتبر أقدم المصايف من عصور الفينيقيي، بتفوح منها ريحة الصنوبر المعتقة وبتتميز بشلالاتها الناصعة البياض وصناعاتها الحرفية واليدوية وبتحمل ألقاب عدة منها “عروس الجنوب”، “متحف الحرف” و”عروس الشلال”. إسم جزين مشتق من السرياني وبيعني “الكنز ” للدلالة على غنى البلدة بالمعادن والبعض بقول إسمها بدل على الدور لي لعبتو عبر التاريخ لأنها اعتبرت بفترة من الفترات المخبأ الآمن لكنوز صيدون.
٥. علما الشعب
علما الشعب بتتمتع بمناظر خلابة وبطل على خليج الناقورة بشطها الأبيض وبحجرها النقي، وببيوت الحجر العتيقة والشوارع التقليدية. كانت تتسمى كل المنطقة الممتدة بين رميش والناقورة منطقة الشعب لوعورتها، ومن هون إجت كلمة بلدة علما الساحلية “علما الشعب”.
بنت جبيل ضيعة مميزة حافلة بالآثار القديمة بتتميز بموقعها على جبل عامل وطبيعتها الحرجية والزراعية. أصل تسمية بنت جبيل من اللغة السامية وبتعني بيت الشمس أو بيت الخزف وبيعني القسم الأول بنت “بيت” وجبيل “مصنع الخزف” وهيك بصير إسمها بيت صناعة الخزف يلي كانت بتتميز فيها الضيعة عبر الزمن.
صربا مزروعة على التلة مع إطلالة ساحرة على الوديان الخضرا وبساتين الزيتون وجبل جزين وهيي بتحكي عن أجواء الجنوب لي بتتميز بتقاليد ريفية، أما أصل كلمة صربا فسرياني وبيعني” البرج”.
كفرحونة جوهرة مخفية بالجنوب لازم تكتشفوها، فيها كنايس وجوامع وواحد من أهم معامل الزعتر البلدي بلبنان، بتعود هل قرية العتيقة للعصر الفينيقي ومن هون إجا إسمها الآرامي بالأصل “كفر أهوني” ولي بيعني قرية الأخوة الزغار.
بتجمع جو الضيعة والساحل بمحل واحد وبتتميز بميتها النقية، كنيسة مغدوشة لي تحولت لمحج ديني عالمي وهيي ضيعة غنية بالمغاور والكهوف والجمال والتراث. بيرجع إسم مغدوشة للغة السريانية وبيعني مقدسوا الأغلال والبعض بردوا لكلمة “قدش” أو قدس للدلالة على قدسية هل مكان يلي زارتوا مريم العدرا.
مرجعيون ضيعة الخضار والتراب المبارك والينابيع العذبة، ويقال أصل كلمة مرجعيون جايي من المدينة القديمة ” ايون”، الأمر لي سبب لخبطة مع الوقت مع كلمة العيون ولي هيي جمع عين باللبناني وهيك صار إسمها مرجعيون.
حاصبيا نايمة على جبل حرمون المقدس، بتعج بشجرات الزيتون وبتتميز بقلعتها التراثية وميّتها العذبة. أصل إسمها سرياني وبيعني بلدة الفخار لأن كانت هل ضيعة مصدرة ومصنعة للفخار عبر الزمن.
المصدر: مدونة إليز داود
