لمستعملي الطاقة الشمسية: توصيات مهمة قبل قدوم الشتاء
صدى وادي التيم-متفرقات/
مثل ما بنعرف انو بعد كم شهر بيجي الشتاء
اليوم صار دارج كتير الطاقة الشمسية واللبنانيين رايحين بإتجاه الطاقة الشمسية حتى يخلصوا من اشتراك الموتير لان صار غالي كتير و بالدولار.
نحنا ما عم نخوفكم لكن الطاقة الشمسية ممكن كتير تؤدي الى حريق بقلب البيت والى صدمات كهربائية قاتلة للأفراد لا سمح الله اذا ما اتبعتوا المعايير العالمية بتركيبها.
في توصيات للمهندس عمر بلوز.
انتبهوا لما تركبوا الطاقة الشمسية انو تراعوا هالتوصيات.
كالتالي:
١- قاعدة الحديد اللي بدها تحمل اللوائح يجب ان تكون مصممة و مثبتة والالواح مثبتة عليها بشكل تتحمل سرعة ريح ١٥٠ كلم بالساعة حتى لا تتطاير فوق سيارات ورؤوس العالم بأول شتوة.
المفروض يكون سطح المبنى مزود بنظام حماية من الصواعق Lightning Protection System
بحيث يتم توصيل القاعدة الحديدية على هيدا النظام من خلال copper tape.
كل شقة المفروض تكون مزودة بنظام حماية الاشخاص من الصعقة الكهربائية Earthing System.
اختر الكابلات الكهربائية المناسبة من حيث قياس المقطع للتيار المتردد والتيار المستمر ابدا ما تحاول توفر .
طبعا مساحة مقطع الكابل لها حسابات تصميمية هندسية.
اعمل مجرى عدد ٢ واحد لتمديد كابلات AC
و واحد لتمديد كابلات DC.
الكابلات اللي نازلة من الالواح يجب حمايتها بفيوزات وبقاطع قيمة شدة تياره تتناسب مع الالواح طبعا لها حسابات هندسية.
داخل المنزل اعمل تابلوه كهرباء عدد ٢ واحد DC و واحد AC.
استعمال قواطع كهربائية DC و AC على جميع الكابلات كل واحد حسب نوعه مع مراعاة امر كتير مهم وهو حساب قيمة القصور في التيار short circuit current calculation
وحسابات Trip current
ل الاجهزة والتابلوهات يجب توصيلها على Earthing.
ممنوع منعا باتا استعمال التوال يعني الشرتاطون.
تركيب داخل تابلوه الكهرباء Surge Arrestor.
وضع الانفرتر بمكان مهوى بعيد عن الحرارة .
شراء طفاية حريق صغيرة وتركيبها على الحائط بجنب التابلوه والانفرتر.
تنضيف الالواح كل فترة من الغبار مع الانتباه من الصعقة الكربائية.
هذه الارشادات صحيح مكلفة ولكن بتكون عم تركب نظام طاقة شمسية آمن لبيتك و للأفراد.
انتبهوا من الغش انتبهوا من اللي متعدايين على المصلحة وعاملين حالهم مختصين بتركيب الطاقة وعم يسحبوا الآف الدولارات والهدف هو “ركب وإمشي”…
ما تخافوا منه بالعكس نظام الطاقة الشمسية نظام مهم وفعال ومفيد و موفر لكن ركبوه بشكل صحيح..
