تعرفوا على هيدا المطعم بحضن نهر الحاصباني
صدى وادي التيم-سياحة/
عبالكن تهربوا من المدينة لو لشوي؟
مشوا معنا على على النهر الحاصباني بالجنوب مطرح ما في مطعم البحصاصة يلي بقدم أشهى أطباق لبنانية مع جو روعة.
أكيد ما فيكن ما تدوقوا الميزا اللبنانية الطيبة، وتستمتعوا بأطيب لقمة حد نهر رح يروقلكن أعصابكن.
صار الطقس مثالي لهيك مشوار! تخايلوا أطيب مشاوي مع صوت المي.
وكمان رح يتسلوا الأولاد لأن في ساحة زغيرة فيهن يقضوا وقتهن عم يلعبوا.
مش بس هيك، هل محل بيعمل سهرات وقعدات فنية من وقت للتاني لكل يلي بحبوا يسردوها على الموسيقى وياكلوا لقمة طيبة.
فيكن كمان بس تخلصوا غدا تعملوا جولة بالمنطقة على الATV مع الولاد وتتفرجوا على المناظر الطبيعية!
كمان ما مننسى قدي الحلو طيب بعد الغدا!
وأكيد ما بتحلى الجلسة من دون ما تمزمزوا أطيب فنجان قهوة على النهر مع صوت المي.
عنجد أحلى قعدة وأطيب لقمة!
العنوان: الحاصباني، حاصبيا، جنوب لبنان
للحجز اتصلوا على هيدا الرقم: 000 553 07
