كتب ابن بلدة عربصاليم الجنوبية طارق جمعة : شو ما عمل الانسان.، الارض هيي ملجأه الاول و الاخير .

صدى وادي التيم – لبنانيات/

كتب ابن بلدة عربصاليم الجنوبية طارق جمعة على صفحته :

بالرغم من كل القرف الي بالبلد، بيضل في اشياء بتريحلك نفسيتك .. و كل شخص بيختار الشي الي بيحبه.

من ١٢٠ يوم نزلت بوست عم ازرع ارض بطاطا و كانت اول تجربه على نطاق اوسع من العاده، كل مره بزرع بين ٢٠ و ٥٠ كيلو، هيدي المره زرعت ١٧٠ كيلو على مساحة ١٢٠٠ م٢ و كان التواصل مع مهندس وزارة الزراعه الصديق زاهر ايوب مشكوراً.

الله وفقنا بوسم جيد جداً المحصول من اصل ١٧٠ كيلو يفوق ال٣٢٠٠ كيلو.

بعمرها ما كانت الزراعه بالنسبه الي شغل او مصدر رزق، دايماً هيي الملاذ الوحيد الي بلجأله ليعطيني طاقه ايجابيه.

خلال ال ٣ اشهر و نص بعيش حاله من الفرحه مع كل يوم بيكبرو فيه، بحسهم متل ولادي .

شو ما عمل الانسان.، الارض هيي ملجأه الاول و الاخير .

متابعة:انجي عطالله