مغترب جنوبي يروي ما يحصل مع اللبنانيين الراغبين بزيارة لبنان “دولتنا عم تنتفنا والسياسيين معفيين”

كل اللي نازلين على لبنان السنة من بريطانيا اعملوا حسابكم دولتنا الكريمة ما رح تخلّي معنا قرش نصرفه على أولادنا
١- فحصPCR لازم يكون private مع certificate مطبوعة كلفته 80£قبل ما تطلع بالطيارة
٢-اعادة الفحص في مطار بيروت واليوم عملوه ل50$ بعد ما كان ب٦٠٠٠٠ لل

٣-حجز أوتيل لمدة ٥ أيام في ٣ أوتيلات محددة الله أعلم اي مسؤول بيملكهم الحجز إبتداءاً من ٥٠٠٠٠٠ للغرفة single اذا حدا حجزلك من لبنان قبل بوقت وإذا حجزت أنت من بريطانيا بيحسبوا الدولار على ١٥٠٠ ليرة يعني ٨ أضعاف
٤- أجرة نقل للأوتيل ٥٠٠٠٠ ليرة على كل شخص ومرافق من الأمن العام
٥-الأوتيل بقدم فقط وجبة إفطار يعني الأكل على حسابك
أنا علقت وحجزت قبل القرار يعني أنا و٥ أولاد نازل الجمعة الجاي يعني أنا أول واحد رح تنتفني دولتنا العزيزة
وأخيراً ما تسبّوا كتير لدولتنا لأنه السياسيين والدبلوماسيين معفيين من القرار