هكذا نعى أدهم حاطوم شقيقته “نورا” بكلمات مؤثّرة: “بحبك يا ملاكي.. يا حبي الباقي للأبد”!

صدى وادي التيم – أخبار وادي التيم /

بكلمات مؤثرة، نعى الشاب أدهم حاطوم شقيقته “نورا” التي قضت إثر سقوطها داخل مجرى نهر جنة في منطقة نهر إبراهيم، وعثر على جثّتها بعد 4 أيام من البحث المتواصل.

ونشر حاطوم صورة تجمعه بشقيقته الراحلة وكتب: “نورا حبيبة قلبي وروحي،

من أول نهار الناس عم تدعيلك والشباب انتخوا لحتى يساعدونا من كل قلب ورب والكل كان كل الوقت عم يتطمّن ويتأكد اذا بحاجة لمساعدة واذا عرفنا شي جديد، والجهات الامنية المعنية اشتغلوا بكل اصرار جهوزية وتقنية. انا واهلي ممتنّين وعم ندعي لكل الشباب والصبايا، الله يوفقكم ويعطيكم الف عافية على غيرتكم وحرصكم على نورا، لي هي اخت وبنت كل حدا فيكم.

محبة الناس ودعواتهم وصلاتهم واتصالاتهم للاطمئنان كانوا بلسم لَقلقْنا وخوفنا كل الوقت؛ واليوم من وقت ما عرفنا بالخبر والناس تزّفك بالورد والرز من جنّة لراشيا، زفّوكِ لي بيعرفوكِ ولي ما بيعرفوكِ حبيبي، يمكن ضحكتك ووجّك الحلو خلوكِ تفوتِ على قلوب الكل، يا قلبي انت حبيبتي، بحبك على قد الصلاة والدعوات لي من كل لبنان، على قد ما ضحكتك بتاخذ العقل وبتخلّي الشخص يبتسم من قلبه، على قد ما انتِ حلوة، يا قمر الحلوين، يا قمري انت بحبك يا ملاكي، يا حبي الباقي للابد”.

https://www.facebook.com/photo.php?fbid=10223298527884889&set=a.1487945732039&type=3