فضيحة كبيرة في جامعة LIU. علامة صفر للجميع!

صدى وادي التيم – لبنانيات/

نشر عدد كبير من طلاب الجامعة اللبنانية الدولية LIU عبر صفحاتهم على مواقع التواصل أن الجامعة قامت بوضع علامة صفر في الامتحانات للقسم الأكبر من الطلاب. وجاء في بيان مشترك من الطلاب ما يلي:

رغم الوضع المعيشي الصعب و الناس أنجق معها تاكل..

بتجي الجامعة بتحط صفر عشوائيا للتلاميذ عأساس غش..

أول شي أسلوب الأونلاين تبع الجامعة بيدعي للغش..

دكاترة نفسية.. ضغط دروس بشكل ما بيتحملوا الواحد.. أسئلة صعبة.. مدة المسابقة قد نص مدتها الحقيقية..

ما براعو انو في ناس ما عندها نت.. تلفوناتها ضعيفة.. ناس ما عندها كهربا..

و بيجو بحطو صفر عشوائيا لنسقط المادة و نعيدها و ندفع حقها مرتين..

و لهيك منتمنى تسمعوا مطالبنا :

-اعادة او الغاء الامتحان او تصحيح المسابقات عأساس الصح و الغلط من دون ظلم و من دون وضع صفر

-مراعاة الوضع المعيشي و الاجتماعي للتلاميذ

و اذا ما احترموا مطالبنا

حيصير في اعتصام و اضراب عن دفع الأقساط الجامعية

#بدنا_حقوقنا

#نطالب_بإعادة_التصليح

#بلا_تجارة_عحسابنا.