ساهمو في حملة التبرعات بالثياب التي ينظمها نادي ضهر الاحمر الرياضي

و متل كل سنة و تقديرا لكل النعم يلي عايشينا لازم نتذكر انو في حدا ناطرنا كرمال ندق بابو و نلتفتلو . في حدا يمكن منسي أو يمكن مخبا و ما منعرفو.
متل كل سنة رح نجتمع تنوزع تياب و نفرح قلب كل كبير و زغير و نفرح بطعم العطاء يلي ما لازم أصلا ينحد بالعيد.

نحنا منقدر جهود كل الأشخاص يلي ساعدونا السنة يلي مضت وساعدونا على نجاح المشروع و منشكر كل الأشخاص يلي قرروا السنة مشاركتنا و دعمنا

يلي بحب يعرف مين “نحنا ” بقلو انو نحنا شباب و صبايا من مختلف الأعمار و مختلف الخلفيات و ما منعرف بعض ، كل القصة انو حب العطاء بيجمعنا نهار العمل و ما بفرقنا لا دين ولا حزب فأهلا و سهلا بكل شخص بحب يدعمنا نهار التوضيب والتوزيع بأي خدمة ممكن تسّهل عملنا .

و لكل يلي بيرغب بالتبرع بالثياب منتمنى يتوجه الى نادي ضهر الأحمر الرياضي في المبنى القديم بالساحة العامة في ضيعة ضهر الأحمر :
الشباك مفتوح لتبرعاتكم ابتداءا من بكرا الصبح بكير 🙂

ملاحظة: رح يسكر الشباك نهار السبت ب 18 آب 2018

لكل يلي بحب يعرف تفاصيل أكتر يتواصل معنا على الأرقام : 71353611 /71523036 / 03010646