شبيبة رعية مارجرجس القليعة تتضامن مع بيروت

صدى وادي التيم – أخبار وادي التيم

نشرت رعية مارجرجس القليعة على صفحتها :

الثلاثاء ٤ آب انقلبت حياتنا ١٨٠ درجة
زعلنا و عصبنا و بكينا و نقهرنا
بس قررنا انو هلق مش وقت الزعل، هلق مش وقت الاستسلام
اجتمعت الشبيبة باجتماع استثنائي و قررنا نفتش ع كل الطرق يلي منفدر نساعد فيها
بأقل من ٤٨ ساعة قدرنا نجمّع كميّة مواد غذائية، مي، تياب، مواد تنضيف و حليب بمساعدة اهل القليعة، اصحاب القلوب و الايادي البيضا
بيكبر قلبنا بكل واحد و وحدة منكن، الف شكر
و لبيروت منقول، فيكي عشنا احلى ايام حياتنا، رقصنا و غنينا و حبينا و تعلمنا، و رح نرجع نعيش اجمل اللحظات
من القليعة هنا بيروت