كورونا” في لبنان: الاوّل على مواقع التواصل… “هون مقبرتك يا كبير”!
ما أن أُعلن عن أوّل حالة إصابة بفيروس “كورونا” في لبنان، حتّى اشتعلت مواقع التواصل الاجتماعي بآلاف التغريدات والتعليقات حول هذا الفيروس الذي حطّ رحاله في لبنان المُثقل بالكثير من الازمات والمشاكل والمصائب.
وتصدّر “هاشتاغ” “كورونا” مواقع التواصل الاجتماعي في لبنان، إذ أعرب الكثير من اللبنانيّين عن قلقهم من هذا الفيروس، متخوّفين من إمكانية إنتشاره بسرعة ومن أن يكون هناك أكثر من إصابة، وأيضاً من عدم القدرة على السيطرة عليه، فأصبح الهاجس الصحي هو الاهتمام الاوّل في لبنان، بعدما كان الوضع الاقتصادي وتداعياته الحدث وحديث الجميع.
ومن بين التعليقات والتغريدات نذكر:
- “كِملت! هلا بالكورونا”،
- “كورونا بلبنان… هيدا لي كان ناقصنا”،
- “لا تقبيل حتّى إشعار آخر”،
- “شو هالزمن انحرمنا من الدولار ومن التبويس”،
- كورونا ما بعيش بلبنان… بدّو بيئة نظيفة”،
- “منيح يلي لحّقتو حالكن بعيد الحبّ”.
- #ذ corona_بصلواتكم
- والله اليانسون ليوصل للركب
- مش مقهورة الا على الناس لي بتعمل رياضة و ما بتأرغل و لا بتدخن و ما بتشرب شاي و قهوة و ما بتاكل لحم ني و ما بتسهر آخر شي تموت بالكورونا
- والله لنعوّفها الله
- مؤامرة من الصين و الثنائي الشيعي لصرف النظر عن “الثورة”
- عزيزي كورونا نحنا شعب عنا دولة فوتت ادوية زراعية مسرطنة، وعالجت مرضى السرطان بأدوية فاسدة اهلا بكَ بهالمزرعة، هون مقبرتك يا كبير
- انا مستعدة روح عمستشفى الحريري الحكومة بوس المريضة من كل قلبي،وكفي لعند الفاسدين لي حرقوا نفس البلد بلي فيه،وبوسهن فرداً فرداً هيك بكون عملت أكبر خدمة إنسانية بحق الشعب اللبناني، وسجل يا تاريخ هالنصر
- كورونا حول 4 مليون محلل اقتصادي في لبنان إلى 4 مليون دكتور.
- ايمتين موسم الجراد؟! هيك منصير مجاعة و كورونا و جراد و منرجع لل 1911
- ماريو عون: لماذا نال فيروس الكورونا من حلفائنا الشيعة بالتحديد؟!
- ما زعلان إلّا على لكبّرت شفافها و حتلبس كمامة
- لو معمرين دولة لبنان الكبير بمال حرام ما بتنزل علينا المصايب هيك فرد ضربة
