رسالة حب من زياد الرحباني لزوجته

صدى وادي التيم-متفرقات/

مين بيتذكر الرسالة اللي كتبها زياد الرحباني لمرتو دلال كرم اللي كتبلها أجمل الأغاني منها : كيفك أنت…و عايشة وحدها بلاك …ومربى الدلال..
هيدي الرسالة من أجمل رسائل الحب بقيت بالنسبة إلي…قرأت كتير كتب سير وأدب رسائل ودوما هي الرسالة كانت الأقرب الي…ليش؟
لأنها بتشبهني
وتشبه كتير رسائل حب عشتها أيام المراهقة…
هالرسالة كتير غالية على قلبي….قدر غلاوتك يا زياد….

كتب زياد هي الرسالة لزوجته دلال بعد ما تركته وراحت لندن.

: ﺗﺤﻴﺔ ﻭﺑﻌﺪ …
« ﺃﻭﻝ ﺷﻲ ﻛﻴﻔﻚ، ﻛﻴﻒ ﺃﺣﻮﺍﻟﻚ، ﻛﻴﻒ ﺃﻳﺎﻣﻚ … ﺍﻥ ﺷﺎﺀ ﺍﻟﻠﻪ ﻣﺶ ﻋﻢ ﺗﻼﻗﻲ ﺻﻌﻮﺑﺎﺕ ﻛﺜﻴﺮ ﺑﺎﻟﻌﻴﺸﺔ … ﻛﻴﻒ ﺩﺭﺳﻚ، ﻛﻴﻒ ﺍﻟﻄﻘﺲ، ﺍﻥ ﺷﺎﺀ ﺍﻟﻠﻪ ﻣﺶ ﻣﺰﻋﺞ … ﻛﻴﻒ ﺭﺍﺳﻚ، ﻛﻴﻒ ﺿﻬﺮﻙ، ﻛﻴﻒ ﻣﻌﺪﺗﻚ، ﻛﻴﻒ ﺃﻋﺼﺎﺑﻚ … ﻛﻴﻒ ﺷﺮﺏ ﺍﻟﻘﻬﻮﺓ ﺍﻥ ﺷﺎﺀ ﺍﻟﻠﻪ ﻋﻢ ﺗﺸﺮﺑﻲ ﻛﺜﻴﺮ ﻗﻬﻮﺓ، ﺍﻥ ﺷﺎﺀ ﺍﻟﻠﻪ ﺑﺘﻤﻨﻰ … ﻛﻴﻒ ﺻﺤﺘﻚ … ﻟﻴﻜﻲ ﺃﻧﺎ ﺑﻠﻐﻨﻲ ﻓﻲ ﺍﻟﻤﻜﺘﻮﺏ ﺍﻟﻌﻈﻴﻢ ﺍﻟﻠﻲ ﺗﺮﻛﺘﻴﻠﻲ ﺇﻳﺎﻩ ﻗﺒﻞ ﻣﺎ ﺗﺰﻣﻄﻲ ﺍﻟﻰ ﻟﻨﺪﻥ ﺍﻧﻚ ﻗﺮﺭﺗﻲ ﺃﻧﻮ ﻣﺎ ﺑﻘﺎ ﺑﺪﻙ ﺗﺤﺒﻴﻨﻲ ﻭﺭﺟﻊ ﺑﻌﺪ ﻓﺘﺮﺓ ﺑﻠﻐﻨﻲ ﻣﻦ ﺍﻷﺳﺘﺎﺫ ﺭﻓﻴﻖ ﻧﺠﻢ ﺃﻧﻮ ﺑﻠﺸﺘﻲ ﺗﻜﺮﻫﻴﻨﻲ . ﻫﻴﺪﻱ ﺷﻐﻠﺔ ﻋﻠﻰ ﺑﻌﻀﻬﺎ ﺑﺘﻔﺰّﻉ !! ﺑﻜﻞ ﺍﻷﺣﻮﺍﻝ ﺃﻧﺎ ﻣﺎ ﺍﻟﻲ ﻋﻼﻗﺔ ﺑﻬﺎﻟﺸﻐﻠﺔ، ﺍﻟﻘﺮﺍﺭ ﻗﺮﺍﻙ ﺃﻧﺖِ ﻭﺍﺻﻼً ﻣﺎ ﻛﺎﻥ ﻓﻲ ﻣﺠﺎﻝ ﻟﻠﻤﻨﺎﻗﺸﺔ ﻻﻧﻚ ﻓﻠﻴﺘﻲ ( ﻭﺍﻷﺻﺢ « ﻫﺮﺑﺘﻲ » ﺃﻭ ﺇﺫﺍ ﺑﺪﻙ « ﺯﻣﻄﺘﻲ .(« ﺑﺎﻟﻨﺴﺒﺔ ﻟﻤﺎ ﻳﺘﻌﻠﻖ ﻓﻴﻲ، ﻧﺘﻴﺠﺔ ﻗﺮﺍﺭﻙ ﺍﻟﺤﺎﺳﻢ ﻭﺳﻔﺮﻙ ﺍﻟﻰ ﻟﻨﺪﻥ ﺟﺮّﺑﺖ ﺃﻧﻮ ﻓﺘﺶ ﻋﻠﻰ ﺍﻧﺴﺎﻥ ﺟﺪﻳﺪ ﺣﺒّﻮ ﻭﺑﻌﺪ ﺍﻟﺒﺤﺚ ﻭﺍﻟﺘﺪﻗﻴﻖ ﻋﻦ ﻫﺎﻹﻧﺴﺎﻥ، ﺗﺒﻴﻦ ﺃﻧﻮ ﻣﺎ ﻟﻘﻴﺘﻮ … ﻣﺎ ﺑﻌﺮﻑ .
ﻫﻠﻖ ﺑﺎﻟﻨﺴﺒﺔ ﻟﻤﺎ ﻳﺘﻌﻠﻖ ﻓﻴﻜﻲ، ﺇﺫﺍ ﺣﺼﻞ ﻭﺍﻧﻚ ﻟﻘﻴﺘﻲ ﻫﺎﻹﻧﺴﺎﻥ ﻟﻠﻲ ﺃﻧﺎ ﻓﺘﺸﺖ ﻋﻠﻴﻪ ﻭﻣﺎ ﻟﻘﻴﺘﻮ، ﻛﺎﻥ ﺑﻪ، ﻫﻠﻖ ﺇﺫﺍ ﻣﺎ ﻟﻘﻴﺘﻴﻪ، ﻣﺎ ﺑﻌﺮﻑ ﺷﻮ ﺭﺃﻳﻚ؟
ﺃﻧﺎ ﺭﺃﻳﻲ ﺍﻧﻮ ﺑﻴﻜﻮﻥ ﻣﻦ ﺍﻷﻓﻀﻞ ﺍﻧﻚ ﺗﺮﺟﻌﻲ ﻭﻣﺶ ﺑﻌﺪ ﺷﻬﺮ، ﺑﻜﺮﺍ ﻉ ﺑﻜﺮﺍ ، ﻷﻧﻮ ﻛﻞ ﺍﻟﻮﻗﺖ ﺍﻟﻠﻲ ﺭﺍﺡ، ﺭﺍﺡ ﺿﻴﻌﺎﻥ ، ﻭﻫﺎﻟﺴﻮﺀ ﺍﻟﺘﻔﺎﻫﻢ ﻣﻌﻲ ﺻﺮﻟﻮ ﻓﺘﺮﺓ ﺣﺎﺻﻞ ﺑﻴﻨﻲ ﻭﺑﻴﻨﻚ ﻗﺪ ﻣﺎ ﻳﻜﻮﻥ ﻭﺷﻮ ﻣﺎ ﻳﻜﻮﻥ، ﻣﻨﻘﻌﺪ ﻋﻠﻰ ﻃﺎﻭﻟﺔ ﻭﻣﻨﺤﻠﻠﻮ .
ﻟﻴﻜﻲ ﻭﻻ ﻳﻬﻤﻚ ﻓﻲ ﻋﻨﺪﻱ 3 ، 4 ﻃﺎﻭﻻﺕ ﺭﺡ ﻧﻀﻞ ﻧﻘﺪﺭ ﻧﺤﻠﻠﻮ ﻋﺎ ﺷﻲ ﻭﺍﺣﺪﺓ ﻣﻨﻬﻦ ، ﺃﻧﺎ ﺃﻛﻴﺪ، ﺍﻧﻮ ﺑﻴﻨﻲ ﻭﺑﻴﻨﻚ ﻣﺎ ﻓﻲ ﻭﻻ ﻣﺸﻜﻠﺔ ﻣﺎ ﺑﺘﻨﺤﻞ، ﻛﻠﻮ ﺑﻴﻨﺤﻞ .
ﻋﻠﻰ ﻓﻜﺮﺓ ﺃﻧﺎ ﻫﻴﺪﺍ ﺍﻟﻤﻜﺘﻮﺏ ﺑﺒﻌﺘﻮ، ﻭﻗﺼﺔ ﺍﻟﻤﻜﺘﻮﺏ ﺍﻟﻠﻲ ﻭﺻﻠﻚ ﻣﻨﻲ ﺷﻮﻱ ﻏﺮﻳﺒﺔ ﻭﻓﻲ ﺷﻐﻠﺔ ﻣﻦ ﺷﻐﻠﺘﻴﻦ :
١ – ﻳﺎ ﺍﻧﻚ ﻛﻨﺖ ﻃﺎﺭﻗﺔ ﺷﻲ ٦، ٧ ﺳﻮﺍﻏﻴﺮ ﻗﺒﻞ ﻣﺎ ﺗﻜﺘﺒﻲ ﻫﺎﻟﺸﻐﻠﺔ .
٢ – ﻳﺎ ﺍﻧﻮ ﻗﺼﺪﻙ ﺗﻔﻬﻤﻴﻨﻲ ﺃﻧﻮ ﻣﺎ ﺗﺠﺮﺏ ﺗﺒﻌﺖ ﻣﻜﺘﻮﺏ ﻷﻧﻮ ﻣﺎ ﺭﺍﺡ ﺟﺎﻭﺏ ﺑﺎﻟﺤﺎﻟﺘﻴﻦ ﻫﻲ ﻣﺶ ﻃﺮﻳﻘﺔ ﻟﺸﻲ .
ﻭﻟﻴﻪ ﺃﻧﺘﻲ ﺣﻤﺎﺭﺓ، ﻳﺎ ﺣﻤﺎﺭﺓ ﻳﺨﺮﺏ ﺑﻴﺘﻚ ﺷﻮ ﺣﻤﺎﺭﺓ . ﻟﻴﻜﻲ ﺩﻳﺮﻱ ﺑﺎﻟﻚ ﻉ ﺣﺎﻟﻚ ﻷﻧﻚ ﺣﻤﺎﺭﺓ
ﺣﻤﺎﺭﺓ ﻛﺒﻴﺮﺓ ﺑﺲ ﻣﺎ ﺗﺨﻠﻲ ﺣﺪﺍ ﻳﻌﺮﻑ