صرخة من اهالي الوزاني
صدى وادي التيم – أمن وقضاء /
صرخة من اهالي الوزاني وباقي القرى الحدودية يلي مش معروف شو مصيرنا وما حدا سائل عنّا ‼️
نحن صرلنا سنة و ٣ اشهر عم نقدّم ونضحي بأغلى شباب….
وبيوتنا واملاكنا ومزارعنا وأشغالنا كلو راح وكلوا تدمر
بس لأهم شو مصيرنا لبعدين ‼️
كل المهجرين رجعوا لبيوتهم وقراهم ومدنهم وحياتهم الا نحن حدا من المعنيين يطلع يحكي كلمة يفهمنا ليش الاسرائيلي بعده بأرضنا عم يسرح ويمرح ويجرف
ويدمر ما تبقى من حياة ومن أمل….
وشو هالاتفاق يلي وقعتوا عليه
وقبلتو في نحن حقنا نعرف وحقنا نرجع مثل الباقيين معززين مكرّمين لأن نحن دفعنا الثمن الأكبر والأقسى…
