ضيعة الفخار والتراث اللبناني: راشيا الفخار من أجمل ضيع الجنوب!

صدى وادي التيم-لبنانيات/

بين جبال الجنوب الحلوة، بتلاقوا ضيعة راشيا الفخار. هالضيعة يا عيني عليها، فيها حكاية صمود وجمال ما بتتغير، مهما مر الزمن. بالزمانات، اشتهرت راشيا الفخار بصناعة الفخار، الحرفة يلي توارثوها أهل الضيعة من جيل لجيل، وصاروا فيها محترفين. فخار راشيا الفخار مش بس أواني، هوي قطعة من تراث لبنان ومصدر فخر لكل لبناني.

شو اللي بيميز فخار راشيا الفخار؟ المواد المستعملة بصناعة الفهار بتطلع من الطين الطبيعي يللي موجود بهالضيعة نفسها، وبتصير أباريق وجرار وكل يللي يخطر عبالكن. بس المش مهم بس الشكل، الألوان الزاهية والزخارف الدقيقة يللي بيحطوها عليها هالشي بيخلي الفخار تحفة فنية حقيقية. تخيلوا قدامكن جرة أو بريق من فخار راشيا الفخار عم بزين بيتكن؟ بتضيفوا علي ريحة التاريخ وروح لبنان.

^{Credits: aawsat}

بس الشي يلي بزعل أكتر شي إنو هالحرفة العريقة عم تواجه صعوبات كتيرة. أول شي، الهجرة. كتير من أهل راشيا الفخار اضطروا يتركوا ضيعتن وينبشوا ع لقمة عيش برات الضيعة. فقلت الأيادي الشاطرة يللي بتعرف تعمل الفخار، وصار الوضع بزعل لأن خفو أهل الضيعة وبلشت تختفي هالحرفة تدريجياً. تاني شي، الدولة ما عم تعطي هالحرفة قيمة. ما في دعم ولا مساعدة، لا للتدريب ولا للتسويق. شو بدو يعمل الحرفي يللي بيتعب ع قفة فخار إذا ما في حدا يطلع في؟ كيف بعيش بكرامة؟ وآخر شي، المصنوعات الجديدة من البلاستيك وهدول يللي من المعدن عم يقللوا الطلب ع الفخار. صار صعب ع أهل راشيا الفخار يبيعوا منتجاتن الحرفية.

^{Credits: bekaa news}

لكن أهل راشيا الفخار ما ييأسوا! عندن عزة نفس وغيرة ع تراثن. أسسوا جمعيات لمساعدة بعضن وبيع الفخار. بـيعملوا معارض وفعاليات بيجمعوا فيها السياح وبفرجوا العالم شطارة إيدن.

فخار راشيا الفخار مش بس أواني، هوي هوية الضيعة وروحها وريحتها. هوي اللي بيحكي عن تاريخن العريق وبيخلي السياحة تزهر بهالمنطقة. لهيك، لازم ما ننسى هالحرفة ونساعد ع ديمومتها. تعو نشتري من فخار راشيا الفخار ونشجع الحرفيين ونفرجي ولادنا وأحفادنا هالكنوز يللي عنا.

^{Credits: Rachaya al Foukhar}

يا راشيا الفخار، ضيعة الطين والفن والتاريخ، عقبال ما يزيد شغلك وفخارك وتبقى ريحتك بكل بيت لبناني!

المصدر: اليز داود-بيروت