لبنان يا قلب فيك الأرزي منهَّدي …بقلم ريمان حمّاد

صدى وادي التيم – رأي حر بأقلامكم/

لبنان يا قلب فيك الأرزي منهَّدي
شامِخ فوق بالسما يا حكاية وطن تنهَّدي
باستقلالك في وجع وصرخة والف حكايي
وسياج العِدى مْحاربو بعنفوان جيشَك لْما هِدي

بخيطان البَدلي يا وَطن جَيشك تْحيَّك وغِني
وْ شِعارو بْمَنديل الشّرف والتَّضحية صار غَني
والوَفا مَجبول بِعْروق رْجالَك يا لبنان
بمرصاد القوّة باقي لَو فِني العُمر بْوطنّا الهَني⚘

بْواريدَك خَرطِش مَهما صُعبِت عْليك الحكاية
انت القوة فيك المَرجَلي أُسطورة و حكاية
يا جبل ما يْهزّك ريح مبارَك عليك الإستقلال
لبنان الفخر والعزّ وْجَيشو للتضحية مْراية

بقلم : ريمان حمّاد