شاب درزي أنقذه مار شربل: “مكسورة جمجمة راسي والورم عم يدفش الدماغ لبرا

صدى وادي التيم – متفرقات/

كتب الشاب ريبال مرداس عبر صفحته الخاصة على “فيسبوك”، قال فيه: “بعتذر على التعبير انا ريبال مرداس من الطائفة الدرزية انا اللي بدي خبركم هل تجربة يلي كانت ومازلت وراح ضل مهمة ولهل سبب راح كون ب ٢٥ بعنايا… انا منذ سنوات تعرضت لحادث سير وفتت بغيبوبة لاشهر وبعد ما الطب فقد الامل وقال للاهل هل قد تعلمنا، كان خيار الوالدة الاتجاه لعند مار شربل وهيك صار طلعت ماما من بحنس لعندو وطلبت منه وجابت زيت وتراب وعادت الى بحنس ودخلت غرفة العناية الفائقة بالسر عن ادارة المستشفى وخلطت الزيت بالتراب و حططن على راسي مطرح ما كانت الاصاب.”

وتابع: “انا يلي كان صاير معي، مكسورة جمجمة راسي والورم عم يدفش الدماغ لبرا…  وبقدرة مار شربل بعد 48 ساعة دخل الحكيم والبروفسور دايفيد ايوب وبيصرخ مدام شو صار وشو عملتي وقف الورم وبلش ريبال يتحسن.”

وأضاف ريبال: “بعد يوم اضافي انا بلشت حرك جسمي وهيك معجزة مار شربل رجعني عالحياة، وانا راح امشي بـ25 وراح اقنع كل اصحابي يمشو معي.”